Месяц: Май 2013
ԱՆԲԱՆ ՀՈՒՌԻՆ ՈՒ ԱՆԽԵԼՔ ԵՂԲԱՅՐԸ
Լինում է, չի լինում մի աղջիկ է լինում:Նրա անունը Անբան Հուռի է լինում: Մի օր աղջկա փոքր եղբայրը ասում է:
-Հերիք է պարապ-սարապ ման գաս, գնա քեզ մի գործ ճարի:Անբան հուռին գնում է մի հարուստի մոտ գործի մտնում: Հարուստը նրան գործի դիմաց մի մոզի է տալիս:Աղջիկը տուն վերադարնալիս մի ավերակի մոտով է անցնում ու ձայն է տալիս մոզիին.
-Հե՜յ ,մոզի:
Ավերակը ձայն է տալիս.
-Հե՜յ:
-Մոզիս կուզե՞ս.
-Ե՜ս…
-Քանի՞ մանեթ կտաս:
-Տա՜ս…
-Հիմի կտա՞ս, թե չէ:
-Չէ՜…
-Դե էգուց կգամ,որտեղից որ է՝ճարի՜:
-Արի՜…
Հուռին համաձայնվում է:Նա հասնում է տուն և անբան մնում:Նստում է պատուհանի մոտ և մի հատ երգ երգում.
-Բանն ինչ կանեմ՝ կեղտոտ է:
Բամբակը կորիզոտ է:
Մաստակ պիտի որ ծամեմ,
Կտերը տիտիկ անեմ,
Անցնողին մտիկ անեմ.
Ուտեմ,խմեմ,
Մթնի,քնեմ:
Եղբայրը գալիս է և հարցնում է.
-Հը, փող աշխատեցի՞ր,որ ուրախ- ուրախ երգում ես:
— Հա մի հատ մոզի աշխատեցի, մոզին ավերակին ծախեցի, վաղը պիտի փողը տա:
Մյուս օրը Հուռին գնում է տեսնում,որ գայլերը մոզին կերել են:Գալիս է տուն,եղբայրը հարցնում է.
-Փողը տվե՞ց ավերակը:
Հուռին չի ուզում,որ եղբայրը մտածի, որ ինքը անխելք բան է արել և ասում է.
-Հա տվեց,բայց ճամփին բզեզ մորաքրոջը տեսա,փող չուներ տվեցի իրան:
Եղբայրը ասում է.
-Դե լավ է,հազի՜վ մի խելոք բան արեցիր:
Հայկ Մարտիրոսյան